عمران خان نے انٹرویو میں سردیوں کا پھر تذکرہ کیا، کہا کابینہ کو بتا دیا تھا کہ 2021 کی سردیاں مشکل ہوں گی، انھیں سازش کا علم ہو گیا تھا۔
وزیراعظم نے سوال اٹھایا ہے کہ امریکی سفارت کار ہمارے ناراض لوگوں سے کیوں مل رہے تھے؟
اس حوالے سے جیو نیوز کے اینکر شاہ زیب خان زادہ نے بتایا کہ امریکی سفارت کار نے شہباز شریف اور مریم نواز کے ساتھ ساتھ اسی روز پرویز الہٰی سے بھی ملاقات کی مگر وہ عمران خان کے وزارت اعلیٰ کے امیدوار بن گئے۔
عمران خان نے خود 2014 کے دھرنے کے دوران امریکی سفیر رچرڈ اولسن سے بنی گالہ میں ملاقات کی، پھر ستمبر دو ہزار پندرہ میں دوبارہ رچرڈ اولسن سے بنی گالہ میں ملاقات کی۔
اس کے علاوہ 2018 میں وزارت عظمیٰ کا حلف اٹھانے سے پہلے عمران خان نے قائم مقام امریکی سفیر جان ہوور سے بھی ملاقات کی۔
